حملة لا تفسد رمضانك للداعية مصطفى حسنى ( فيديو - تفريغ الخواطر ) روابط مباشرة

حملة لاتفسد رمضانك

للداعية

مصطفى حسنى





1 - مقدمة الحملة

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

2 - الخاطرة الأولى:لاتفسد رمضانك بتضييع صلاتك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم (رواه البخاري )

عن أبي المليح قال: كنا مع بريدة في غزوة، في يوم ذي غيم، فقال: بكروا بصلاة العصر فإن النبي صلى الله عليه وسلم قال: (من ترك صلاة العصر فقد حبط عمله)
سمعت أبا عمرو الشيباني يقول: حدثنا صاحب هذه الدار، وأشار إلى دار عبد الله، قال:
سألت النبي صلى الله عليه وسلم: أي العمل أحب إلى الله؟ قال: (الصلاة على وقتها). قال: ثم أي؟ قال: (ثم بر الوالدين). قال: ثم أي؟ قال: (الجهاد في سبيل الله). قال: حدثني بهن، ولو استزدته لزادني.
عن أبي هريرة رضي الله عنه قال: قال رسول الله صلى الله عليه وسلم: (من تصدق بعدل تمرة من كسب طيب، ولا يقبل الله إلا الطيب، وإن الله يتقبلها بيمينه، ثم يربيها لصاحبها، كما يربي أحدكم فلوه، حتى تكون مثل الجبل).

حدثنا أبو هريرة رضي الله عنه قال: جاء رجل إلى النبي صلى الله عليه وسلم فقال: يا رسول الله، أي الصدقة أعظم أجرا؟ قال: (أن تصدق وأنت صحيح شحيح، تخشى الفقر وتأمل الغنى، ولا تمهل حتى إذا بلغت الحلقوم، قلت: لفلان كذا، ولفلان كذا، وقد كان لفلان).

تفريغ الخاطرة

لا تفسد رمضانك بتضييع صلواتك:

في حملة لا تفسد رمضانك سنتحدث عن كيف نبعد عن علاقتنا بالله الأشياء التي تضيع قلوبنا في الصيام وفي رمضان.

و اليوم سنتحدث عن " لا تفسد رمضانك بتضيع صلواتك".
الحمد لله تعالي كلنا نصلي.. وإن كان مننا من يقصر في صلاته أو لا يصلي نهائيا....فأنا أريد أن أقول له شهر رمضان شهر مختلف؛ لأن الصيام أصله أنه ينقي القلب من العيوب... فأصل الصيام أنه يكسر شهوة النفس... و عندما تنكسر شهوة النفس فأنت بذلك تضعفها و عندما تضعفها... فتجعل روحك تخرج من سجنها إلي الله تعالي... فالروح كانت مسجونة في سجن الشهوات و الأكل والشرب...
فينشغل اإانسان بها... و ينسى الله عز وجل...

لذلك عندما يقلل الإنسان شهواته فهو يضعف نفسه... لذلك النبي صلي الله عليه وسلم قال: " يا معشر الشباب من استطاع منكم الباء فليتزوج فإنه أغض للبصر و أحصن للفرج فمن لم يستطع فعليه بالصوم"...
و ذلك لأن الصوم يقلل الشهوة ويكسر النفس.. فعندما تقل الشهوة تعلو روحانيات الإنسان و تتقرب روحهإالي الله تعالى أكثر... فالقرب من الله تعالى معناه أنني أصلح من فلب حتي يكون جاهزا لاستقبال رسائل من الله تعالي... أو لستقبال آية جميلة من الله أفهم بها معنى جديد من القرب لله و حب الله ورسوله...أو أرى موقفا معينا... فتراه الناس بطريقة معينة و أنا أراه بطريقة مختلفة و أستخلص منه رسالة... أو أنني عندما أرى النعم أشعر بفضل الله تعالى عليا...


و من أكثر الأوقات التي يرسل الله لنا فيها رسائل كثيرة هي : الصلاة.
من الممكن أن تكون سمعت شيخا أو داعية و هو يلقي درسا وقد تأثرث جدا بكلامه......
أو تخيل أنك جلست في درس للنبي وهو يتحدث إليك عن حب الله تعالي وهو يتكلم من كل قلبه المحب لربه سبحانه وتعالي ...

فما بالك عندما تسمع الله وهو يتحدث إليك عن حبه لك و نعمه عليك و عن مغفرته لذنوبك أو عن قصة حدثت زمان لأناس فيقول لك كن مثلهم أو قصة حدثت لأناس فيحذرك الله منها...

فالذي يصوم بيكون مهيأ قلبه- تماما؛ مثل الذي يمسك إناء فيقول للناس صبوا لي
ماء عذبا ويظل ينتظر أن يصب له الناس...
فالصلاة مثل هذا الكوب أو هذا الإناء الذي تأتي فيه رسائل الله تعالي...
فتخيل لو أن ليس لك إناء... أي ليس لك صلة بينك وبين الله تعالي... كيف ستستقبل هذه الرسائل وصلتك بالله مقطوعة...

فينادي عليك الله... ولا تجيب إلا بعد ساعتين أو ثلاث بعد أن يكون ذهب أهل الخير وصلوا وتحدثو إالي الله وتوزعت الغنائم كما يُقال " و وُزعت الغنائم و أنت نائم"

إياك أن تؤخر الفجر لأنك كنت نائما أو تؤخر الظهر أو تأخرين العصر لأنك كنت في المطبخ... أو نؤخر المغرب لأننا كنا نفطر أو نؤخر العشاء لأننا كنا نشاهد المسلسلات... إياكم و أن نؤخر أي صلاة أو نضيعها...

نريد أن يجهز لنا الصيام قلوبنا لاستقبال كلام الله... فنصوم لتجهيز قلوبنا ونصلي لاستقبال رسائل من الله...
لكن للأسف الشديد كثيرون من الممكن أن يصوموا ليجهزوا قلوبهم لكن دون فائدة لأنه يضيع صلاته...
فأرجوكم لا تفسدوا رمضان بتضيع الصلوات؛ لأن الله تعالي من المؤكد أن الله لا يٌقرب عبدا يؤخر الصلاة و ليس الذي يؤخر الصلاة مثل الذي يصلي في أول الوقت... قال رسول الله صلي الله عليه وسلم: " أحب العمل إلى الله الصلاة علي وقتها...

نريد أن نصلي كلنا هذا العام في أول الوقت... و الشباب يصلوا في المساجد... لا تضيعوا ثواب الجماعة...
نريد أن يفرح الله ورسوله بنا... حتى نقابل النبي كلنا على باب الجنة....

3 - الخاطرة الثانية:لا تفسد رمضانك بعدم انفاقك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم (رواه البخاري)

* عن أبي هريرة رضي الله عنه قال:قال رسول الله صلى الله عليه وسلم: (من تصدق بعدل تمرة من كسب طيب، ولا يقبل الله إلا الطيب، وإن الله يتقبلها بيمينه، ثم يربيها لصاحبها، كما يربي أحدكم فلوه، حتى تكون مثل الجبل).

* حدثنا أبو هريرة رضي الله عنه قال:جاء رجل إلى النبي صلى الله عليه وسلم فقال: يا رسول الله، أي الصدقة أعظم أجرا؟ قال: (أن تصدق وأنت صحيح شحيح، تخشى الفقر وتأمل الفقر وتأمل الغنى، ولا تمهل حتى إذا بلغت الحلقوم، قلت: لفلان كذا، ولفلان كذا، وقد كان لفلان).

تفريغ الخاطرة

خاطرة اليوم لحملة لا تفسد رمضانك هي " لا تفسد رمضانك بعدم إنفاقك... إن عدم الإنفاق لا يفسد الصيام...لكن يفسد رمضان...
في ناس بتشعر برمضان أو بالصيام و كأنه عبء عليها و تنتظر اللحظة التي تلقى فيها هذا العبء...و ناس مثلكم ...
عايزين يخرجوا من رمضان برصيد كبير عند الله تعالى..
عايزين يخرجوا من شهر رمضان وربنا بيحبهم , سيدنا محمد يعرفهم خير المعرفة....
عايزين يخلصوا رمضان و هم مسيطرين على أنفسهم... بيحاول يلجمها و بيحاول يمسك نفسه ويضعها في يده و بيحاول يخلع الدنيا من قلبه... مش عايز في قلبه غير الله سبحانه وتعالى ... فأصبح متحكما في نفسه...
و الناس دي نتمنى أننا نكون مثلها...

هؤلاء يتمنوا إن كل رمضان يكون أحلى رمضان في حياتهم... بيصوموا بمعنى الكلمة... يارب نكون مثلهم...

و من الأشياء التي تجعل الإنسان يسيطر على نفسه هو أنه يُخرج الشهوات من قلبه مثل المال و الملابس أو الممتلكات والمقتنيات بصفة عامة التي يحب أي إنسان أن تكون ملكه...

و ربنا عز وجل علمنا إن الإنسان بيحب حب التملك قال تعالى " و تحبون المال حبا جما"... " إن الإنسان لربه لكنود" أي أن ينكر جميل الله " و أنه على ذلك لشهيد و إنه لحب الخير لشديد"... فأي إنسان يحب أن يكون عنده كل أنواع و أشكال الملابس و يحب أن يكون عنده مال كثير و أن يكون مطمئن و مأمن مستقبله... كل هذه شهوات...

لكن عكس الشهوة أن تنفق و خاصة أن تنفق على إنسان ليس لك علاقة به – لكن إذا كان أحد أقاربك فقير فالأقربون أولي بالمعروف...

عايزين رمضان يمر علينا بكثرة إنفاق.. كان رسول الله صلي الله عليه و سلم أجود ما يكون في رمضان؟؟؟ لماذا يعلمنا الرسول ذلك؟؟؟
لأن الصوم يجعل الإنسان يكسر شهوته و يخرج من قلبه حب المال و حب المقتنيات... فيجعله ينفق في سبيل الله تعالى...

علمنا بعض الناس شئ جميل جدااا وهو أنك مع بداية رمضان تفك مبلغ من المال سواء 30 أو 50 أو 100 جنيه كل واحد حسب إمكانياته المادية... و تخرج كل يوم نصف جنيه أو جنيه أو أكثر أو أقل.. حسب ظروفك المادية... الهدف من الموضوع ده إننا نتعلم الإنفاق...

كان رسول الله صلى الله عليه وسلم كالريح المرسلة و الريح المرسلة هي الريح التي تأتي على الناس كلها من يستحق ومن لا يستحق... فيقول العلماء أنها ريح متتابعة لا تنقطع أبدا فخير النبي كان للناس كلها...

لاتفسد حلاوة رمضانك بقلة إنفاقك... و لا تقول أنا أنفقت في الصباح فلن أنفق بالليل.. أو أنا أنفقت الظهر فلن أنفق بعد التراويح مثلا...
" يا أسماء أنفقي يُنفق الله عليك، ولا توعي فيوعي الله عليك"


عايزين نقول لربنا بنحبك أكثر من نفوسنا...
عايزين نطلع كل الشهوات من قلوبنا...
فالإنفاق يجعل النفس مقبلة على الله أكثر...

لاتفسد رمضانك بعدم إنفاقك....
عايزين نخرج من رمضان وروحنا طايرة بحب ربها سبحانه وتعالى....

ممكن نفكر في الفلوس ونعمل حساب لبكره.... لكن الشك في الرزق شك في الخوف من الرزاق... و الخوف من بكره و عدم استئمان الله سبحانه وتعالي...

مش حقولك أنفق كل أموالك مثل أبو بكر الصديق... أو نصف أموالك مثل عمر بن الخطاب...
عايزين بس يوميا في حاجة نكون بنخرجها لله تعالي...

فلا تفسد رمضانك بعدم إنفاقك...

4 - الخاطرة الثالثة: لا تفسد رمضانك بكثرة انفعالك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم (رواه البخاري)

• عن أبي هريرة رضي الله عنه:
أن رسول الله صلى الله عليه وسلم قال: (الصيام جنة، فلا يرفث ولا يجهل، وإن امرؤ قاتله أو شاتمه، فليقل إني صائم - مرتين - والذي نفسي بيده لخلوف فم الصائم أطيب عند الله تعالى من ريح المسك، يترك طعامه وشرابه وشهوته من أجلي، الصيام لي وأنا أجزي به، والحسنة بعشر أمثالها).

• عن جرير بن عبد الله عن النبي صلى الله عليه وسلم قال: (من لا يرحم لا يرحم).

• عن عروة بن الزبير: أن عائشة رضي الله عنها زوج النبي صلى الله عليه وسلم قالت:
دخل رهط من اليهود على رسول الله صلى الله عليه وسلم، فقالوا: السام عليكم، قالت عائشة: ففهمتها فقلت: وعليكم السام واللعنة، قالت: فقال رسول الله صلى الله عليه وسلم: (مهلاً يا عائشة، إن الله يحب الرفق في الأمر كله). فقلت: يا رسول الله، أو لم تسمع ما قالوا؟ قال رسول الله صلى الله عليه وسلم: (قد قلت: وعليكم).

• عن عائشة رضي الله عنها:
أن يهود أتوا النبي صلى الله عليه وسلم فقالوا: السام عليكم، فقالت عائشة: عليكم، ولعنكم الله، وغضب الله عليكم. قال: (مهلاً يا عائشة، عليك بالرفق، وإياك والعنف والفحش). قالت: أو لم تسمع ما قالوا؟ قال: (أو لم تسمعي ما قلت؟ رددت عليهم، فيستجاب لي فيهم، ولا يستجاب لهم في).

• عن أبي هريرة رضي الله عنه:
أن رسول الله صلى الله عليه وسلم قال: (ليس الشديد بالصرعة، إنما الشديد الذي يملك نفسه عند الغضب).

تفريغ الخاطرة

أذكركم بأن النية الحلوة لا تكفي لكي ينجح الفرد في تحقيق أهدافه؛ النية الحلوة هي بداية النجاح. لابد أن يأخذ الإنسان بالأسباب لكي ينجح في الذي يتمناه. نفسنا نصوم بجد ونقرب لربنا أكثر، وربنا يرضى عنا، ونحب النبي صلى الله عليه وسلم أكثر، ونستمتع بالقرآن أكثر، ويكون رمضان السنة دي نقلة في حياتنا ونصوم لله بجد.
ولكن أحياناً تكون هناك معوقات لكي نصل لهذه الأشياء. منها أن يكون الفرد كثير الانفعال: لا تفسد رمضانك بكثرة انفعالك.
قلب الإنسان يتقلب ويتغير. وتصرفات الإنسان تدل على حالة قلبه. فالإنسان الذي يتصرف بهدوء وسكينة يدل على أن قلبه مع الله سبحانه وتعالى. والإنسان الذي يتصرف بتوتر وحدة وانفعال يدل على تشتت القلب. وكثير من الأوقات الواحد يبني في قلبه بسماع القرآن، ويذكر الله والجلوس مع صحبة صالحة، ويبعد عن مجالس بها غيبة ونميمة، ويصوم لكي يكسر شهوته عشان قلبه يقرب لله سبحانه وتعالى، ويصلي على النبي، ويذكر نعم الله عليه... ثم قد يحدث موقف يجعله يتصرف بطريقة مش كويسة، ويتغير شكل عينيه، ويقول كلام يندم عليه.... خرج بره الجو الجميل الذي ظل يبني فيه أياما، أو شهورا، أو حتى سنين.
كان هذا الشخص يبكي في التراويح خلف الإمام، وكان يقرأ القرآن صائماً وشاعرا بخشوع ليس له مثيل، كل هذا ضاع بسبب أن الزوجة أو الأم تأخرت قليلاً في تحضير الإفطار، أو لم يجد سوى صنف واحد أو صنفين (فقط)على مائدة الإفطار. أو كانت الزوجة تضع الملابس استعدادا للخروج فتأخروا على العزومة...
إن رجلا قال للنبي صلى الله عليه وسلم: أوصني، قال: لا تغضب. فردد مرارا، قال: لا تغضب .
النبي يقول لك لا تغضب عشان قلبك يفضل قريب لربنا على طول، لأن كثرة الغضب تضيع حلاوة الإيمان. والنبي لا يقول أي شئ: " إنْ هُوَ إلاَّ وحْيٌ يُوحَى" (النجم: 4)
يصب الصيام الخير في القلب، أما الغضب فيشق القلب ليسقط منه كل شئ جميل.
يا ابن آدم، اذكرني حين تغضب، أذكرك حين أغضب. الله لا يحب الإنسان الغضوب.
‏يقول النبي صلى الله عليه وسلم: "إن شر الناس منزلة عند الله من تركه أو ودعه الناس اتقاء فحشه". من يبعد عنه الناس لغضبه أو لأن لسانه مش حلو. الناس لو بتتجنبنا لابد أن نعلم أن مقامنا وحش قوي عند ربنا، ولو أن الناس بتحبك، اعرف إن ده من حب ربنا لك.
كثرة الغضب تغضب ربنا، وتفض الناس من حولنا. انظر لوصية الله لنبينا صلى الله عليه وسلم:"...ولَوْ كُنتَ فَظاً غَلِيظَ القَلْبِ لانفَضُّوا مِنْ حَوْلِكَ..." (آل عمران: 159).
الذكر يسكّن القلب، وإن الإنسان يعلم أن كل ما يحدث حوله هو رسالة من الله حتى أذية الناس لنا، حتى الإنسان قليل الأدب معنا هو رسالة من الله. وتذكر عباد الرحمن الذين فهموا هذا المعنى وعندما كلمهم الناس بقلة أدب:"...وإذَا خَاطَبَهُمُ الجَاهِلُونَ قَالُوا سَلاماً (الفرقان:63)
كل هذه رسائل من الله ليختبرنا هل سنعاملهم بطريقة ترضي الله سبحانه وتعالى أم بطريقة ترضي غرورنا وكبرياءنا؟!
فلا تفسد رمضانك بكثرة انفعالك.

5 - الخاطرة الرابعة: لا تفسد رمضانك بكثرة كلامك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم (رواه البخاري)

عن أبي هريرة رضي الله عنه قال:
قال رسول الله صلى الله عليه وسلم: (من لم يدع قول الزور والعمل به، فليس لله حاجة في أن يدع طعامه وشرابه).

عن أبي هريرة قال:
قال رسول الله صلى الله عليه وسلم: (من كان يؤمن بالله واليوم الآخر فلا يؤذ جاره، ومن كان يؤمن بالله واليوم الآخر فليكرم ضيفه، ومن كان يؤمن بالله واليوم الآخر فليقل خيراً أو ليصمت).

أبا هريرة يقول:
سمعت رسول الله صلى الله عليه وسلم يقول: (كل أمتي معافى إلا المجاهرين، وإن من المجاهرة أن يعمل الرجل بالليل عملاً، ثم يصبح وقد ستره الله، فيقول: يا فلان، عملت البارحة كذا وكذا، وقد بات يستره ربه، ويصبح يكشف ستر الله عنه).

تفريغ الخاطرة

خاطرة اليوم خاصة بشئ اذا أكثرنا منه ضاعت حلاوة الصيام الموجودة في القلب, و كسرة النفس الموجودة في القلب والتي يحبها الله و ضاع الهدوء والسكينة و الايمانيات اللي يحييها الصيام في القلب من القرب الي الله و الاحساس ان القلب ملوم وغير مشتت و هذا الشئ هو لا تفسد رمضانك بكثرة كلامك...

هناك مفهوم نريد أن نتفق عليه وهو أن:
العين و الأذن بتدخل أشياء الي القلب... اتمني أن تكون حلوة فتملأ القلب بايمانيات و أشياء جميلة عن الله تعالي.. فتملأ القلب الذي يشبه الوعاء بالقرب من الله و تملأه بذكر الله و بالأنس بأي شئ يذكرنا بالله تعالي...

فيبدأ اللسان بتفريغ ما في الفلب- زي ما بيقولوا اللي في قلبي علي لساني- فيبدأ هذه الاناء المملوء بالقرب من الله و حب الله وذكره .. فيبدأ بشيئين اما أن الكلام الذي يخرج يكون حلو اوي مثل ما في القلب بل أحلي.. فتسمعه الأذن فتعيده للقلب و هو أحلي فيتقرب القلب أكثر لله و يشعر بحلاوة أكثر و يمتلأ أكثر بحب الله...

أو أن هذا الكلام يخرج ليس حلو.. يخرج وبه غفلة عن الله .. فيه لغو و سخرية... فتسمعه الأذن فيبدأ في تفريغ القلب من حلاوة القرب من الله سبحانه وتعالي... يبدأ ان يفرغ القلب من الأثر الجميل الذي تركه الصيام في القلب ألا وهي كسرة النقس والشعور بالقرب من الله والهدوء وهو ما يسمي بالسكينة...

البني ادم عنده شهوة معرفة أخبار الناس و سماع أسرارهم و انه يتكلم عن معلومة خاصة بانسان لا يعرفها باقي الناس و انه يتكلم بكلمة تضحك حتي ولو كانت كذب أو أن يقول دعابة خفيفة وان كانت سخرية... فكل هذه شهوات عند البني ادم و كل انسان يكثر كلامه هذا يقل عنده الخير أو الكلام في الخير من كلام في الدين أو مساعدة الفقراء أو الأباء...

فيتوقف عن الكلام في الخير... ثم ينتقل الي الكلام في أشياء لا يرضي عنها الله.

وصيتي لكم:
عايزين نقلل الكلام شوية... و نمرر الكلام علي قلوبنا قبل ما يقوله اللسان...
قال رسول الله صلي الله عليه وسلم:
" من كان منكم يؤمن بالله واليوم الاخر فليقل خيرا أو ليصمت"...
لو سمحت لو أنت مؤمن بأن الله يسمعك ويراك... أرجوك لما تتكلم فكر في أن الله هو أول من يسمعك... فأرجوك سمع الله كلام يحبه ولا يكرهه.
" لا يحب الله الجهر بالسوء من القول الا من ظُلم"
فارجوك ربنا مش بيحب الكلام اللي مش كويس اللي فيه كلام عن انسان أو نقل أخبار او افشاء أسرار أو سخرية أو استهزاء أو شكوي من الله تعالي للناس...

فأرجوك قلل كلامك و أكثر من الذكر... قلل كلامك و أكثر من التسبيح و الصلاة علي النبي...
قال رسول الله صلي الله عليه وسلم:
" ان من أحب الأ‘عمال الي الله سبحة الحديث... قيل ما سبحة الحديث؟ قال: الرجل يسبح والناس يتكلمون"

الناس يتكلمون وهو يسبح الله ويذكره.. لا ينسي الله وسط الناس...
" سبعة يظلهم الله بظله يوم لا ظل الا ظله ........و رجل ذكر الله خاليا ففاضت عيناه" يقول العلماء ان خاليا ليس شرطا أن يكون جالسا وحيدا... بل انه حتي لو كان جالسا وسط الناس الا أنه يكون مع الله... فهو لا يري الا الله و لا يذكر غير الله....

فأرجوك لا تفسد رمضانك بكثرة كلامك... عايزين نملأ قلوبنا و ألسنتنا بالذكر عشان ننتفع بالصيام....
لا تفسد رمضانك بكثرة كلامك....

6 - الخاطرة الخامسة: لا تفسد رمضانك بقلة اتقانك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم

* عن أبي هريرة رضي الله عنه، عن النبي صلى الله عليه وسلم أنه قال: (لا يلدغ المؤمن من جحر واحد مرتين).

تفريغ الخاطرة

أهلا وسهلا بكم وخاطرة جديدة من خواطر حملة لا تفسد رمضانك: لا تفسد رمضانك بقلة اتقانك و بقلة شغلك...



عندنا عادة في الدول العربية و الاسلامية ان أصحاب الأعمال بيقللوا ساعات العمل و هناك بعض الدول تأخذ شهر رمضان أجازة من العمل... ده ممكن يكون شئ مفيد من ناحية تنظيم وقت لانه ساعات بتكون هناك زحمة قبل الافطار و لازم الناس كلها تروح في وقت واحد عشان يلحقوا ساعة الافطار...



لكن بالنسبة للشغل فهذا النظام بيضر مصالح كثير من المؤسسات والشركات وكثير من مصالح الناس مش عشان عدد الساعات قليل لكن لاني كثير من الناس بيأخذ رمضان ذريعة للعب و بياخذ رمضان ذريعة" أنا تعبان وصايم ومش قادر اشتغل" لكن للاسف الشديد بنصوم و نأخذ ثواب الصيام وبنيجي يوم القيامة و احنا في رقبتنا فلوس حرام...



فاكرين حديث النبي صلي الله عليه وسلم لما قال:



" أتدرون من المفلس؟ قالوا :يا رسول الله المفلس من لا درهم له ولا متاع.. قال : لا ولكن المفلس من أتي بصلاة وصيام و صدقة وحج و أتي وقد سب هذا و سفك دم هذا و أكل مال هذا"



فالفلوس اللي حضرتك بتقبضها في ساعات العمل هي مقابل عدد معين من ساعات العمل... كون ان أنا اروح مش مركز أو مش فارقة معايا أو أقول زي ما بنشوف في كثير من الحالات" فوت علينا بكرة أنا تعبان وصايم"... كده انا بأكل مال صاحب العمل لانه بيديني مرتبي أخر الشهر و أنا مش بشتغل... بيديني مرتبي اخر الشهر وانا بأضيع حق المؤسسة او الشركة اللي انا بشتغل فيها...



مينفعش يا جماعة اني اجي يوم القيامة بصيامي ويجي حد تاني يأخده مني... أو اني اجي بصيامي و أكون تعبت فيه ويجي حد تاني ياخذ ثوابه كاملا بسبب تضييعي لشغلي وتضييعي للفلوس اللي المفروض اخدها مقابل ساعات العمل.



اذا كانت الدول العربية والاسلامية بتقلل ساعات العمل فالمفروض اني اتقن اكثر في هذه الساعات... والكلام موجه اكثر للناس اللي بتشتغل وحتي الشباب اللي بيدرس ارجوك بلاش الدول الغربية تنظر للصيام عند المسلمين انه بيدمر حضارتهم و انه سبب تاخرهم هو أن عندهم عبادة ربنا فرضها عليهم بتعطلهم عن أعمالهم ... و نجعل الناس تكره بهذه الطريقة دين ربنا ونخلي غيرنا يسخر من دين ربنا و يسخر من طاعة النبي صلي الله عليه وسلم ....



عايزين نصوم ....



عايزين نتقن أعمالنا في عدد الساعات المفروضة...



يارب يثبتنا...



و لا تفسد رمضانك بقلة اتقانك...


تابعونا

7 - الخاطرة السادسة لا تفسد رمضانك بالاستسلام لدخانك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم (رواه البخاري)

* عن أبي قلابة: أن ثابت بن الضحاك، وكان من أصحاب الشجرة، حدثه:
أن رسول الله صلى الله عليه وسلم قال: (من حلف على ملة غير الإسلام فهو كما قال، وليس على ابن آدم نذر فيما لا يملك، ومن قتل نفسه بشيء في الدنيا عذب به يوم القيامة، ومن لعن مؤمناً فهو كقتله، ومن قذف مؤمناً بكفر فهو كقتله).

تفريغ الخاطرة

لقاؤنا اليوم مع خاطرة جديدة لحملتنا لا تفسد رمضانك و خاطرة اليوم متعلقة بشئ بننفق ملايين الجنيهات يوميا عليه, شئ استعبد كثير من الناس, و أنا عضو في جمعية شعارها " لا تكن عبدا لها" , و هي جمعية تكافح التدخين... خليك عبد لله و لا تكن عبدا للسيجارة...



فلا تفسد رمضانك بالاستسلام لدخانك....



رمضان شهر بيظل الناس فيه فترة كبيرة بدون أكل و شرب... وكثير من أصحابنا و أخواننا و أهلنا فيرمضان بيُبت لهم أن لديهم القدرة في البعد عن السجائر...



و لما تحدث العلماء عن السجائر قالوا انها من الكبائر و أنها تعتبر معصية كبيرة لأنه مكتوب عليها أنها تؤدي الي الوفاة و كأن الانسان ينتحر.. فخد بالك من هذه المسألة..



و في كثير من الأوقات يظن الانسان انه مش قادر يبطل تدخين... لكن الصيام هو أكبر دليل اني أقدر اقعد علي الاقل نصف يوم من غير ما أقرب للسجاير... أقدر عشان ربنا... عشان كده الصيام ينقي القلب من الاله اللي اسمه السيجارة اللي بسببه ممكن الأب ينزل أولاده 2:30 صباحا عشان يشتروا له سجاير اللي بسببه ممكن الانسان يموت نفسه في سبيل سيجارة...



انا مش حنسي لما اتصلت مرة في التليفزيون زوجة وكانت بتشتكي ان زوجها بيعطي لها 10 جنيه لها هي و أولادها الخمسة و بيأخذ 10 جنيه عشان السجاير...



فلا تفسد حلاوة حب ربنا والاستسلام لربنا والشعور بقرب ربنا اللي الصيام بيملي القلب بها بسيجارة... و لما المدفع يضرب تشرب سجارة و :اني كنت في سجن... السجن ده حابسني عن حبيبي اللي بحبه ومش قادر استغني عنه و أول لما اتفتح الباب جريت عليه علي طول.. أنا بشعر كده ان اذان المغرب و هو بيأذن ان كثير من الناس عايز يستعجل مش عشان " ان للصائم فرحتان " و هو بيفطر لانه أطاع ربنا... لكن الفرحة ان المدفع بيضرب وبيخرجني من القيد اللي مانعني...



أرجوك لا تستسلم لدخانك....



أرجوك يبدأ رمضان أو أرجوكي يبدأ رمضان بعهد اني ححاول أبطل في رمضان...



أرجوك أو أرجوكي بلاش الخيمة الرمضانية أو القهوة اللي ملاينة دخان مع الشيشة (نصف ساعة شيشة تساوي من 20 ل 50سيجارة)....



أرجوك و أرجوكي متقعدش في مكان فيه شيشة ... لأان الشيخ علي جمعة المفتي أفتي بحرمة الجلوس في الأماكن اللي فيها تدخين لأاني بروح بايدي لمكان فيها ضرر علي نفسي...



لا تستسلم لدخانك... ما تيجي قبل رمضان... نبدل كل مليم و كل قرش اتصرف علي السجاير وعلي الشيشة...



نبدل كل لحظة مرت في معصية الله و الأصعب منها اللحظة اللي مرت في أذية الناس بالدخان...



ماتيجي نبدل الحاجات دي بحسنات لما ربنا يتوب علينا ويفتح لنا بالتوبة ونرجع له " فاولئك يبدل الله سيئاتهم حسنات"...



بدل ما نروح ل يوم القيامة والصحة حنسأل عنها والفلوس حنسأل عنها والناس اللي أذيناها بالدخان خنسأل عنها...



أرجوك لا تكن عبدا لها...



فلا تفسد رمضانك بالاستستلام دخانك....

8 - الخاطرة السابعة لا تفسد رمضانك باطلاق بصرك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم (رواه البخاري )

* قال أبو هريرة، عن النبي صلى الله عليه وسلم: (إن الله كتب على ابن آدم حظه من الزنا، أدرك ذلك لا محالة، فزنا العين النظر، وزنا اللسان المنطق، والنفس تتمنى وتشتهي، والفرج يصدق ذلك كله أو يكذبه).

تفريغ الخاطرة

خاطرة اليوم خاصة بشئ بيدمر قلوبنا كلنا سواء قبل رمضان او في رمضان او بعد رمضان... الكبير والصغير... لا تفسد رمضانك باطلاق بصرك علي الحرام...



رمضان شهر الصيام " كُتب عليكم الصيام كما كُتب علي الذين من قبلكم لعلكم تتقون" أي من أجل أن تتقون... فالصيام بيدخل وبيكسر شهوة النفس بيكسر حب النفس لشهواتها والنفس عاملة زى السجن اللى بيسجن الروح لما تكبر و تبقى الشهوة مسيطرة عليها كدة فتسجن الروح اللى فيها سر السعادة و القرب من ربنا سر كرامة الانسان " فاذا سويته و نفخت فيه من روحى فقعوا لة ساجدين"


اذن فالانسان فيه نفخة من روح ربنا سبحانه و تعالى و لما سئل النبى عنه" و يسالونك عن الروح قل الروح من امر ربى و ما اوتيتم من العلم الا قليلا"
نفخة من روح ربنا و نفخت فية من روح فخلاص حصل يارب سر كرامتنا هذه الروح, سر كرامة سيدنا ادم و سجود الملائكة له هذه الروح الروح دى بتقرب من ربنا بالصيام ,بكسر النفس و انها تبقى ضعيفة و هى شهواتها بعيد عنها سر قوتها و صولتها و سيطرته....


فاكرين يا جماعة لما النبى قال :"يا معشر الشباب من استطاع منكم الباء فليتزوج فانه اغض للبصر و احسن للفرج فمن لم يستطع فعليه بالصوم", اللى مش قادر يتجوز يصوم عشان يكسر شهوة الجنس الاخر
لان الصيام بيخلى شهوة القلب ضعيفة و الروح قريبة من ربنا مينفعش يا جماعة و انا بصوم بصب شهوة جوة قلبى , العين و الودان لما بتلقط المناظر اللى فيها شهوة فى التليفزيون ولا فى الشارع و لا فى الشغل ولا فى اى حتة الصيام اثره بيضيع....


فاكرين يا جماعة لما الرسول صلى الله عليخ و سلم لما قال:" من لم يدع قول الزور و لا العمل بة فليس لله حاجة ان يدع طعامه و شرابه"
لو واحد بيكذب كتير فربنا مش محتاج يخليه يصوم كل بقى و خلاص..




دى ليست دعوة ان الواحد يفطر لو كان كذاب اوقائل للزور لكن معنى الحديث ان الصيام لم يبقي له اثر انت سايب نفسك لا تأكل و لا تشرب و فى الاخر مش لا تنتفع لان الثواب رايح و الاثر فى القلب رايح ...



غض البصر كده يا جماعة لو الواحد عمالينظر الي مناظر مش كويسة فى الخيم الرمضانية و القهاوي فى التليفزيون و الشارع و التمثيليات و الافلام و بعدين...



الصبح اللهم انى صائم و بليل مش عاوز افتكر الا شهواتى, يصحى تانى يوم قلبه مش حلو....



اول يوم صام كويس و تانى يوم صام كويس و تالت يوم من كتر سهراته قدام الحاجات اللى مش كويسة فى التليفزيون اصبح صايم زهقان و صايم متنرفز و صايم لا يتقن عملهو يتمنى ان الساعات تجرى عشان افطر و اخلص....




لا تفسد رمضانك باطلاق بصرك....



حافظ على قلبك اللى عنيك تحكم فيه...



قلبك مكان حب ربنا و ربنا غالى و زى ما بننظف بيوتنا عشان لو حد زارنا و زي ما احنا بننظف الاماكن اللى بنستقبل فيها الناس عشان عنيهم تشوفها حلوة لازم ننظف مكان اللى ربنا بينظر فيه ... القلب ...



مكان حب ربنا ..



فارجوكم و بكلم نفسى و بكلم كل بنى أدم ..



ربنا خلق فينا شهوة و خلاها سبب او سر دخول الجنة ...



جاهدها و اكسرها و لا تفسد رمضانك باطلاق بصرك....



و الكلام للبنات و الولاد مش للولاد بس ربنا يثبتنا و يبعد عننا القنوات اللى مش كويسة و الاعمال الفنية اللى مش كويسة و الاشياء اللى تبعدنا عن ربنا و رسول الله و اصبحنا جزء من اهداف ناس ليس لهم هدف زى النبى..



خليك جزء من اهداف النبى ...



هدف النبى يارب امتى ...



يارب الجنة... كلنا نبقى مع بعض دة هدف النبى ..



خليك جزء من اهداف النبى بدل ما تبقى جزء من هدف واحد عاوز فلوس منك و مش فارقة معاه رضا ربنا ولا رضا النبى صلى الله علية و سلم.....
ربنا يهدينا و ياخد بايدينا و صلى اللهم و سلم و بارك على الحبيب و الحمدلله رب العالمين...

9 - الخاطرة الثامنة: لا تفسد رمضانك بكثرة عزوماتك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

تفريغ الخاطرة

خاطرة جديدة وخواطرحملة لا تفسد رمضانك....

لا تفسد رمضانك بكثرة العزومات...

شوفوا يا جماعة قبل حد ما بقول يعني منكرمش الناس و منعزمش الناس ده شهر الكرم... يلا نأخذها واحدة واحدة... انا واحد من الناس اللي بتعزم وبتتعزم.. ولازم كلنا نعزم ونتعزم...عشان نوصل صلة الرحم ونبر الوالدين ونكرم الملسلمين....

و النبي صلي الله عليه وسلم كان له دعوة لما يتعزم كان يقول:" أكل طعامكم الأبرار وصلت عليكم الملائكة" النبي صلي الله عليه وسلم بيحب أصلا اللمة والاجتماعيات و كان صلي الله عليه وسلم يدعي للمهاجرين والأنصار لان أيديهم كانت تمتد في طبق واحد...



لكن احنا لازم نرتب اولولياتنا بالنسبة للعزومات اللي فيها كرم زي ده.. لازم نعرف أن شهر رمضان هو شهر الصيام والقيام والقران والبر وصلة الأرحام... لكن لازم كل حاجة تتحط في وقتها...



فالفطار مثلا وقته بين المغرب والعشاء...يعني بينهم ساعة و أحيانا تزيد علي ساعة فلازم نعرف أنه حلو أوي اننا نقعد مع بعض ساعة نقعد نأكل شوية ونشرب شوية و نحلي شوية لكنك لازم تكون صاحب مبدأ و مفيش صاحب المبدأ الناس بتزعل منه...



وبعدين بعض الناس ممكن يقولي ما هو عين أني أكل وأمشي.. طيب ما تيجي نخلي عزومات رمضان نأكل ونمشي ونخلي عزومات ما بعد رمضان للقعدة.. و بعدين أنت مش رايح عشان تتفرج علي مباراة أو مسلسل...



الناس عارفة أنك رايح عشان تصلي تروايح... احنا رايحين المساجد نصلي وراء الامام عشان ربنا يقبلنا...

فخليك صاحب مبدأ و روح البيت اللي انت معزوم فيه وخد معاك هدية حلوة لاننا المفروض نكون كرماء.. وأقعد كُل مع الناس واضحك مع الناس.. لكن وقت صلاة العشاء.. بأدب المسلمين.. وبأدب المصليين .. قول لهم معاد ربنا سبحانه وتعالي... و النبي كان كده صلي الله عليه وسلم...كان كما تقول السيدة عائشة.." كان النبي في مهنة أهله".. أي يساعد في البيت.." واذا أذن للصلاة :انه لا يعرفنا"...

زي ما أنتم يا أهل البيت عزمتوني.. ولما عزمتوني انا لبيت دعوتكم.. الله بينادي عليا فمن باب أولي اني ألبي نداء ربي...

و لو كنت عازم الناس في بيتك خذهم وأنزل... و قول لهم يلا نصلي في المسجد دلعلك تلأخذ ثوابه...

و حاول تنشر هذا المبدأ... ان العزومات لحد العشاء فقط...

عايز أقول حاجة تانية لستات البيوت .. يارب رمضان مش يضيع في المطبخ...في العزومات الكثيرة قوي والاأصناف الكثيرة اوي و أانا عارف ان الموضوع محتاج تحضير...

فأنا بقول للزوجات ولستات البيوت يبدأوا بتحضير الأكل يضعوه في الثلاجة من الان...و لو في اماكنية مادية حاولوا تجيبوا أحد يساعدكم...

فالأفضل أن الواحد يصرف قرشه أفضل من أنه يضييع وقته... و من أحب الأعمال الي الله اطعام الطعام والقاء السلام علي من تعرف و من لا تعرف...

لكن عايزين ننظم وقتنا... بحيث ان ستاتنا مش يصحوا ويقضوا طول اليوم في المطبخ.. وبليل بعد الفطار بيكونوا مع الضيوف وبعدها في التنظيف...

فلا تفسد رمضانك بكثرة عزوماتك...

لو أنت عازم الناس أكرمهم.. لكن وقت الصلاة قول يا جامعة يلا ننزل نصلي محدش حيزعل منك... حتي لو حد قال هو بيعمل كده ليه.. حلو اوي لو جبت حديث عن فضل التراويح... وقلته لهم بكده تكون عملت خيرين : خير انك اتعزمت ولبيت الدعوة و أكرمت الناس و وصلت رحمك... و خير انك دعوتهم وذهبتم لصلاة التراويح... و لو كنت معزوم حيكون عندك الجرأة انك تستأذن بكل أدب وحب و تقول لهم معاد ربنا...
فلا تفسد رمضانك بعدم انضباط اوقاتك لكثرة عزوماتك...

10 - الخاطرة التاسعة:لا تفسد رمضانك بعقوق ابائك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم (رواه البخاري)

* عن ابن عباس رضي الله عنهما قال:
جاء رجل إلى النبي صلى الله عليه وسلم فقال: يا رسول الله، إن أمي ماتت وعليها صوم شهر، أفأقضيه عنها؟. قال: (نعم، قال: فدين الله أحق أن يقضى).

* عن أنس رضي الله عنه قال:
سئل النبي صلى الله عليه وسلم عن الكبائر قال: (الإشراك بالله، وعقوق الوالدين، وقتل النفس، وشهادة الزور).

* عن عبد الله بن عمرو رضي الله عنهما قال:
قال رسول الله صلى الله عليه وسلم: (إن من أكبر الكبائر أن يلعن الرجل والديه). قيل: يا رسول الله، وكيف يلعن الرجل والديه؟ قال: (يسب الرجل أبا الرجل، فيسب أباه، ويسب أمه فيسب أمه).

تفريغ الخاطرة

خاطرة جديدة من خواطر حملة لا تفسد رمضانك...
لا تفسد رمضانك اليوم بذنب هو من أكبر الكبائر... و مشكلة الذنوب أنها بتعم طبقات من التراب علي القلب... لغاية ما تغطي القلب و كأنه مدفون و كأنه في قبر... زي بالضبط لما نرمي الجسد تحت الأرض ونغطيه بالتراب...

ساعات القلب بيكون مدفون تحت تراب المعصية.. مفيش أي نور داخل له وكلما كبُر الذنب كلما التراب ثقُل عشان كده فيه كثير من الناس اتحطوا في مواقف تهد جبال...
فيه كثير من الناس عنده من النعم اللي تخليه من الشاكرين الذاكرين ولكنه لا يتأثر بسبب ان قلبه مدفون...
لو قلبه شم هواء و شاف نور ربنا سبحانه وتعالي مش حيتأثثر بالنعمة و يكون حنين... فلا تفسدر مضانك بذنب يطبع علي القلب ألا وهو عقوق الوالدين...

الكلام عن بر الوالدين كلام معروف عند المسلمين و كلام موجود بالفطرة عند الشباب والبنات و عند الكبار كمان... يقول العلماء كثرة الألفة تزيل الكلفة- و الكلفة هي أن الانسان يتكلف الأدب بمعني انه يحاول أن يصطنعه حتي لو هو مش حاسس به وده شئ مطلوب مع أهلنا احنا نبقي مؤدبين بغض النظر عن الموقف حتي لو حصلت اساءة منهم...

الطبيعي عند كثير من الناس أنه لما تحصل اساءة يبقي فيه نرفزة فيه غضب أو أمشي أو أرد الاساءة بالاساءة وان كان ده غلط... لكن ده الواقع الموجود في دنيا الناس...
الكلام ده مينفعش مع الأهل أقل نظرة وأقل كلمة بل أقل نفس " فلا تقل لهما أف " النفس نفسه لو طلع بغل من جوا الصدر فهذا من المعاصي لان ربنا قال" لا" يعني فيها نهي لان الله لا يحب هذا عشان كده يا جماعة لا تفسد رمضانك بعقبة كبيرة بينك وبين الله ألا وهي أن أهلك مش راضيين عنك أو عنكِ...

ربنا سبحانه وتعالي... بيعطي علامات للعبد عشان بقول له أنا راضي عنك و من بين هذه العلامات رضا الوالدين لأن الوالدين هم نموذج مصغر من عبودية ربنا...
قال رب العالمين:
" وقضي ربك ألا تعبدوا الا اياه وبالوالدين احسانا"...

فالاحسان للوالدين يشبه جدا نموذج مصغر من الاحسان لله تعالي مع الفارق ما بين الخالق والمخلوق... الله له فضل عليا والوالدين لهم فضل عليا وشكر الله عز وجل هو شكر صاحب الفضل وشكر الوالدين هو شكر صاحب الفضل وليس هناك مقارنة بين الخالق والمخلوق... لكن العلماء أيضا قالوا ان الوالدين نموذج مصغر من بعض الصفات الربانية مش ربنا قال في القران أنه يوجد عباد ربانيين " و كأي من نبي قاتل مع ربيون كثير" ...

زي ما ربنا صفاته كما ينبغي لله... فربنا بيحب لنا الخير دون انتظار مقابل كذلك الأهل بيحبوا لنا الخير دون انتظار مقابل...

و النبي صلي الله عليه وسلم كثيرا ما يربط بين عبدوية ربنا وبر الوالدين فكثيرا ما سٌئل النبي صلي الله عليه وسلم:" ما أكبر الكبائر قال الشرك بالله وعقوق الوالدين"...

فالانسان الذي ليس له خير في أهله ليس له خير خير في أحد والانسان اللي مش منكسر أمام أهله " و اخفض لهما جناح الذل من الرحمة" ...
خليك ذليل بين أيديهم زي ما المفروض تكون ذليل بين يدي الله...


تاني عشان أفرككم ليس هناك مقارنة بين الخالق والمخلوق.. لكن ده نموذج مصغر... عشان كده مش عايزين نغضب ربنا و احنا صائمين بعقوق أهلنا ...

عايزين نبقي عايشين تحت رجلهم زي ما وصونا أن الجنة تحت أقدام الأمهات...

يلا نعيش في الجنة عشان نكمل في الجنة عند ربنا يوم القيامة...
يلا نعيش تحت أقدام أهالينا لانه لا يٌتصور أن هذا الطفل الرضيع الغلبان اللي أمه حضانه وبترضعه هذا الطفل في يوم من الأيام لما يكبر و تبقي عنده القدرةأنه يعرف يأكل نفسه و يشرب نفسه وينيم نفسه ويلبس نفسه ونسي أنه كان عاجز عن ده كله وكان الأهل بيخدموه و نتوقع أنه يرد الجميل ولكنه كان قاسي في الوقت اللي الأهل بيكبروا في السن وبيحتاجوا يسندوا علي أي حد.. و أقرب حد...فأرجوك مش تقول هم بينرفزوني مش بعرف أمسك نفسي...

مديرك في الشغل لما بينرفزك بتمسك نفسك حرصا علي مصلحتك وعلي فلوسك... ؟؟؟
بالعكس ده لو ضابط أوقفك في الشارع... ممكن يكلمك بأسلوب غير لائق لأنك عشان خايف منه عشان عنده سلطة أو أنك عايز تخلص من الموقف اللي أنت فيه أو حاسس انك مش قده أو أيا كان.. خد بالك من المسائل ديه...
أهلك أبوك أو أمك أغلي عندك من عنيك " فلا تقل لهما أف ولا تنهرهما وقل لهما قولا كريما"..

والكرم هو كثرة العطاء فالكلمة تبقي حنينة.. والكلمة تبقي جميلة.. والكلمة تبقي رقيقة.. و نظرة عين حلوة ونبرة صوت حلوة عشان ربنا يعاملنا بالخير زي ما احنا بننشر الخير وسط أهالينا...


و لا يبقي لنا الا الصلاة علي النبي الأمين والحمد لله رب العالمين...

11 - الخاطرة العاشرة: لا تفسد رمضانك بتضييع اوقاتك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم رواه البخاري

* عن ابن عباس رضي الله عنهما قال:
قال النبي صلى الله عليه وسلم: (نعمتان مغبون فيهما كثير من الناس: الصحة والفراغ).

تفريغ الخاطرة

خاطرة جديدة من خواطر حملة لا تفسد رمضانك

لا تفسد رمضانك بتضييع أوقاتك

أنا مش عاوز أخذ وقت الخاطرة عشان اقول لكم أهمية الوقت .. و لكن كل واحد فيكم يا جماعة عاش سنين من حياته و شاف أمامه ناس يقابلهم و بعدين ينقطع عنهم و بعدين يقابلهم تانى ممكن يقابلهم زى ما هم لم يتغير اى حاجة فيهم أو فى انجازاتهم .. سواء انجازاتهم الدنيوية انه يطور نفسه و أنه يخلى دخله أكتر أو على الأقل يتعلم حاجة جديدة أو انجازاته أخروية أنه أخذ خطوة تجاه ربنا سبحانة و تعالى...

بتشوف ناس كتير كده بل بتشوف نفسك أنت وأانا بشوف نفسى فى بعض الأوقات بلاقى شهر كامل 30 يوم ممكن ماكونش ازددت فيه ولا حاجة لا فى الدنيا و لا فى الاخرة ممكن بنام شوية و لعبت شوية و اتفرجت على التليفزيون شوية و اتكلمت فى حاجة ليس لها أهمية و عدت الايام و لم يكن فيها سعادة لأن الانسان أصلا يفرح لما يضيف لحياته أو لاخرته أى شئ... يفرح بالانجازات ...يفرح لما حاجة تخلص ...يفرح لما يكون واضع دماغه على المخدة و عمل حاجة فيها رضا لربنا انهاردة ..

لكن الشيطان من اعظم جنوده جنود الغفلة أنه هو يجعلنا منعرفش انهاردة هنعمل ايه و لا بكرة هنعمل ايه و لا نصحى الساعة كام و لا ننام الساعة كام فتلاقى الايام بتعدى و الواحد بيزداد ملل و كأبة و المشكلة كلها انه مش مركز هو عاوز يعمل ايه و امتى و عشان كدة عاوزكم تتخيلوا على أساس أن دة اخر رمضان فى حياتنا...

وعلى فكرة دة مش كلام ليك.. ده و اقع أنا ممكن يكون لو عشت لرمضان اصلا يمكن يكون اخر رمضان فى حياتى و ده كلام لمصلحتنا كلنا أن الواحد يركز فاكرين الحديث :

"ان كل يوم يصبح يقول أنا يوم جديد و على عملك شهيد فاغتنمنى فانى لا اعود"
امبارح مش هيجى تانى لغاية يوم القيامة و انهاردة مش هيجى تانى لغاية يوم القيامة و بكرة لو جاء علينا مش هيجى تانى لغاية يوم القيامة و هيترفع لربنا عز و جل بحسناته و سيئاته و الصحيفة خلاص هتتقفل مع نهاية اليوم مش هقدر ارجعا و أقول يارب... اصل فى موقف حصل لو كنت ابتسمت فى وجوه الناس أو قرأت صفحة قران أو كنت تصدقت أو كنت صليت أول ما سمعت الاذان مش هعرف ارجعه...

العمر بيتأكل و انا هفكركم ان الانسان أول ما ينزل من بطن أمه بيصغر مش بيكبر ... مش بيكبر يا جماعة لأن الواحد مكتوب عند ربنا انه يعيش عدد سنين معينة فبتصغر و بتقل و بتتأكل اذا أنا بصغر بأخد من عمرى من عند ربنا سبحانه و تعالى عشان كده عاوزين نركز و نشوف احنا مع بداية رمضان و قبل رمضان كمان ...اليوم بيعدى مش نكون عاوزين زى الناس كلها عاوزين نكون زى الناس اللى نفسها تكون جنب النبى فى الدنيا حاسة بقربه و قرب ربنا و فى الاخرة تنجو بسرعة جدا من أهوال القيامة و أحداث القيامة ووقفة يوم القيامة....

المزرعة اللى احنا عايشين فيها اللى هى الدنيا أكتر حاجة تقدر تستفيد فيها من الدنيا هى الوقت سبحان الله و بحمده مائة مرة بتاخد 3 دقايق الصلاة على النبى صلى الله عليه و سلم مائة مرة تأخد أربع او خمس دقائق الاستغفار مائة مرة 2او3 دقايق قراءة جزء القران ممكن يأخد نص ساعة أو ساعة الا ربع...

اياك أن تقول معنديش وقت...الوقت مفيهوش بركة ...و انت فى الموصلات مصحفك و سبحتك معاك و انت فى الشغل و انت بتشتغل ركز اوى عشان متضيعش وقت ولو عرفت تتسبح و انت بتشتغل يبقى كويس لو كان شغلك بيشغل ذهنك يبقى شغلك اصلا عبادة...

اوعى تنسى أنك ممكن تفطر فى نص ساعة و تريح فى نص ساعة عشان نجهز نفسنا لصلاة العشاء و التراويح و أرجوكم بعد صلاة العشاء و التراويح منعملش حاجة فيها تضييع وقت أرجع بيتك أو أخرج مع أصحابك خروجة خليها بوقت متقولش كدة انا هنزل و أبقى أرجع لما أخلص ...ممكن متخلصش و ممكن الاوقات تمتد و ممكن تسهر و الفجر يبقى فى خطر فارجوكم تعالوا نخلى رمضان اختبار أن كل حاجة يبقى لها وقت بحيث ميبقاش اليوم سايح كده على بعضه تعالوا فى رمضان ..

الاول عشان ننظم وقتنا لازم أكون عارف أنا عاوز ايه...

فأضع مقدسات فى اليوم منها الصلاة و منها التراويح و منها الجلوس مع أهلى و منها القراءن و منها المذاكرة لو أنا طالب أو شغلى لو بشتغل...

فلما الحاجات المقدسة تبقى موجودة فى اليوم هقدر أضع لها وقت ..سوى ذلك اما انا نايم بستريح أومصحفى فى يدي أو الصلاة على الرسول صلى الله علية و سلم فى لسانى أو على الاقل بعمل حاجة بلاقيها فى ميزان حسناتى " انا يوم جليل و على علمك شهيد فاغتنمنى فانى لا اعود"...

ساعات الواحد بتعدى عليه ايام بتجيلةه ضيقة نفس معينة لأى سبب أو ارهاق... يشعران روحه بتتسحب منة و بيموت و الانسان بيقول يا ربى مش عاوز أموت دلوقتى ياه لو مت انهاردة ياريتني قرأت قراءن اأقابل ربنا بهاو سبحت أكتر أو استغفرت أكتر...

عايز أوصى أخوتنا انهاردة اللى بيسمعونا...

أرجوكم لا تفسدوا رمضان بتضييع الأوقات لأن من أكتر الأشياء اللى بتجذب المعاصى الفراغ ..

مش عايزين نبقى خسرانين كما قال صلى الله عليه و سلم:

" نعمتان مغبون" مغبون" يعنى خسران " فيهما الكثير من الناس الصحة و الفراغ" .. لو كان فى صحة و فى فراغ يعنى فى طاعة .. فيلا نستثمرأوقاتنا...

ولا تفسد رمضانك بتضييع الاوقات ...

يقول أابو داواد الطائى:

" و انى احب سفة الكحك عن مضغه"
كان يحب عند أكل الكحك بدل ما يعد يأكل و يشرب شاى بلبن كان يدق الكحك , فيجعل أخته تدقه له و تضعه على الشاى بلبن فتبقى عامل مثل أكل الاطفال فياكله...فهو كان يري أنه من الممكن قراءة خمسين اية بدلا من سفهة الكحك و مضغهه...

احنا مش مطلوب مننا اننا نأكل الاكل و نسفة كدة زى ما هو بيقول كدة لا... كل واشرب و انبسط دول زمان ناس بيقروا بالعشرتلاف مجلد و العشرين ألف مجلد و هما اللى نقلوا لنا ديننا من عند النبى صلى الله عليه و سلم لغاية عندنا و كأنة لسة نازل دلوقتى غضا طريا ...مش مطلوب مننا اوى كده... لكن على الأقل لما يكون فى وقت معين لحاجة و خلصت ننتقل لحاجة تانية ... بلاش تضييع الأوقات يا جماعة فلا تفسد رمضانك بتضييع اوقاتك...

ربنا ياخد بايدينا ان شاء الله و صلى اللهم و سلم و بارك على الحبيب و الحمدلله رب العالمين....

12 - الخاطرة الحادية عشر :لا تفسد رمضانك بقطع ارحامك



[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حديث اليوم رواه البخاري

* عن أبي هريرة رضي الله عنه قال:
سمعت رسول الله صلى الله عليه وسلم يقول: (من سره أن يبسط له في رزقه، وأن ينسأ له في أثره، فليصل رحمه).

* عن عبد الله بن عمرو عن النبي صلى الله عليه وسلم قال: (ليس الواصل بالمكافئ، ولكن الواصل الذي إذا قطعت رحمه وصلها).

تفريغ الخاطرة

و خاطرة جديدة من خواطر حملة لا تفسد رمضانك
خاطرة اليوم مرتبطة بشئ يسقط فيه كثير من الناس بسبب انشغالهم فى الدنيا و انشغالهم فى حاجات كتير مش غلط سواء كانت الشغل او العيال او بعض المصالح ألا و هى قطع الارحام....
لا تفسد رمضاتك بقطع ارحامك...

انا عارف ان الدنيا أصبحت سريعة دلوقتى و اصبح الانسان يومه مفيهوش بركة و عشان يخلص يومه مع بعضه و مزاكرة اولاده او حتى الشباب اللى فى الجامعة يرجع من الجامعة على الفطار و بعدين عنده صلاة التراويح لو هيصلى التراويح او عنده حاجات تانية ممكن يكون بيعملها لكن انا عاوزه اقف معاكم وقفة مع حديث.. حديث لما ربنا خلق الرحمة هو ربنا قالنا كده ان ربنا لما خلق الرحم اشتكت له...
و قالت يا ربى هذا مقام العائذ بك من القطيعة"...

يعنى يارب انا أستعيذ بك و أستعين بك و ألجاء اليك ان الناس بتقطعنى ان مش هيبقى فى صلة بالارحام فقال رب العالمين ردا عليها" الا ترضين ان اصل من وصلكى و اقطع من قطعكى"...

اللى انا عايز اقوله لكل اللى بيسمعنا دلوقتى ان ممكن الواحد يكون صايم بس فى قطيعة بينه و بين ربنا سبحانه و تعالى ممكن يكون استفاد لقلبه بحجب شهواته عن قلبه بس للاسف الشديد مفيش صلة ما بينه و بين ربنا لان ربنا قاطعه بسبب انه هقاطع رحمه...

فانا عاوز اوصى كل المسلمين اللى بيسمعونا دلوقتى احنا مش عاوزين ناخد الجزئية دى من الغرب الا و هو دمار العلاقات الاجتماعية اللى عندهم بسبب المصالح بسبب ان كل واحد فيهم عاوز نفسى نفسى فى الدنيا و عاوز يخلص حاجته و شغله ... الحنية اللى موجودة بين الناس اللى ربنا خلقها فيهم مبقتش موجودة فى دول كتير بس خلينا احسن احنا فى دولنا الاسلامية...

احنا ربنا عزو جل اول اسم نعرفه عنه انه الرحمن الرحيم ..

بسم الله الرحمن الرحيم... فاحنا عاوزين ناخذ من هذه الرحمة لان الانسان لما يزور أقاربه و بيجتمع بهم بتكون عنده فرصة انه يظهر الرحمة و الادب و يظهر الايثار و الحنية و الكرم و كل الصفات دى...

هى كل الصفات اللى ربنا سبحانه و تعالى احنا نفسنا يعاملنا بها .. نفسنا يعاملنا بالرحمة و المودة و الحنية و الكرم فاحنا مش هيظر مننا الاخلاق دى الا و احنا فى وسط قرايبنا .. ربنا سبحانه و تعالى لما وصى النبى باغلى حاجة و هى دعوتهم للجنة قال" و انذر عشيرتك الاقربين"....

اذا فالاقارب اولى بكل معروف و الاقارب اولى بكل تسامح و الاقارب اول بكل عطاء علشان كده يا جماعة ارجوكم و انا و بوصى نفسى الاول يارب اهدينا عاوزين نوصى نفسنا و لا منفسد رمضاننا اننا نبقى بنصوم لكن هناك قطيعة ما بينا و بين ربنا....

لا تفسد رمضانك بقطع ارحامك...

عشان كدة يا جماعة الوصية بسيطة فكر قبل ما رمضان ما يجى احنا قدامنا لسه فى ايام على رمضان فكر مين الاقارب اللى محتاجين نزورهم فى رمضان او نتصل بيهم على الاقل و ابداء صنفهم كده مش هتاخد منك عشر دقائق تفكير عشر دقائق بس و شوف محتاج تتصل بمين و محتاج تزور مين....
و احب الاعامل اللى الله ادومهم و ان قل .. خلى فى بينك و بينهم اتصال بصفة مستمرة و اللى تقدر تذهب لبيتهعلى الفطار او فى زيارة مثلا بليل بعد التراويح او تاخد معاك حاجة بسيطة اوى اوى اوى او اكلة بسيطة على قدر دخلك و على قدر وسعك و لكن ارجوكم عاوزين نرجع الصلة اللى بينا و بين ربنا عن طريق ترجيع الصلة اللى ما بينا و بين ارحامنا فلا تفسد رمضانك و صيامك بقطع ارحامك...

و عاوز افكركم يارب هذا مقام العائذ بك من القطيعة يارب انا واقفة بين اديك .. دة الرحم اللى بتتكلم ... بستعيذ بك ان الناس هتقتطعنى ..قال الا ترضين ان اصل من وصلكى وان اقطع من قطعكى قال رب العالمين فهل عسيتم ان توليتم ان تفسدوا فى الارض و تقطعوا ارحامكم .. قطع الارحام فساد فى الارض لان الارض موجودة عشان نعبد ربنا و عشان نصل بعض و نعمر الارض بالحب و الاسلام فيارب يارب لا نفسد رمضاننا بقطع الارحام.....

ربنا ياخد بايدينا ان شاء الله و صلى اللهم و سلم و بارك على الحبيب و الحمدلله رب العالمين

الخاطرة الثانية عشر : لا تفسدي رمضانك بتضييع حجابك



الفيديو للتحميل والمشاهدة غير متوفر حاليا

وهذا رابط مشاهدة مؤقت على youtube



حديث اليوم (رواه البخاري )

حدثنا إسحاق أخبرنا يعقوب بن إبراهيم حدثنا أبي عن صالح عن ابن شهاب قال : أخبرني عروة بن الزبير أن عائشة رضى الله تعالى عنها زوج النبي صلى الله عليه وسلم قالت كان عمر بن الخطاب يقول لرسول الله صلى الله عليه وسلم احجب نساءك قالت فلم يفعل وكان أزواج النبي صلى الله عليه وسلم يخرجن ليلا إلى ليل قبل المناصع فخرجت سودة بنت زمعة وكانت امرأة طويلة فرآها عمر بن الخطاب وهو في المجلس ، فقال عرفناك يا سودة حرصا على أن ينزل الحجاب قالت فأنزل الله عز وجل آية الحجاب

تفريغ الخاطرة

انهاردة الكلام شوية لاخواتنا البنات و امهاتنا و اهالينا النساء... و بردوا جزء كبير من الكلام للرجال...
لا تفسدي رمضانك بتضييع حجابك...

رغم ان دعوتنا بنحاول ان احنا بنيسرفيها على المسلمين و ده دين النبى صلى الله عليه و سلم:" يسروا و لا تعسروا و بشروا و لا تنفروا" و الأصل ان ربنا بعت الرسل مبشرين ثم منذرين و احنا بنحاول نبسط قدر الامكان حتي يشملنا الدين و يسعنا كلنا كما قال صلى الله عليه و سلم:" سيروا بسير أضعافكم"...

اما ان كل واحد فينا يجى يتكلم باللغة اللى الناس بتحبها و واحدة واحدة على الناس... لكن فى اوقات لازم نقف و نحط وقفة كده و نقول يا جماعة رمضان جى او يا بناتنا رمضان جاى... و انهارده الكلام للبنات اكتر اللى لسه مخدوش خطوة الحجاب... الصيام فيه ثواب كبير عند ربنا سبحانه و تعالى لأن الصيام من اكتر العبادات اللى ربنا بيحبها لان فيها كسر لشهوة النفس امام حاجة ربما بيحبها و ده من اكبر دلائل المحبة انك تخالف شهوتك عشان حاجة ربنا بيحبها عشان حاجة حبيبك بيحبها...

لكن للاسف الشديد ثواب الصيام الكبير قوى ده فى حاجة بتتعمل قصاده هى من الاعمال اللى ربنا ممكن يكون مش بيحبها الا و هى ان الواحد او الواحدة يكون سبب فى فتنة غيره و سبب فى معصية غيره و سبب فى انشغال غيره مش فى ربنا بل بذنب اختنا الطيبة اللى لسه مخدتش خطوة الحجاب ..

انتم عارفين مشكلة ترك الحجاب هو ان معصية ترك الحجاب هى ليست معصية خاصة بالنفس بل هى معصية خاصة بالنفس و خاصة بأمة محمد صلى الله عليه و سلم ..

ربنا بيحب الناس اللى يخدم بي الناس .. اللهم اهدنا و اهدى بنا و اجعلنا سبب لمن اهتدى .. مش الواحد يكون سبب ان حد يفكر فى معصية و ينسى ربنا و يفكر فى شهوته و ينسى النبى صلى الله عليه و سلم .. كل بنت لسه مخدتش خطوة الحجاب هى ممكن تكون سبب فى أن واحد ينظر عليها طبعا ليس واحد و لا اتنين و لا عشرة طول ما هى ماشية فى الشارع انتم طبعا عارفين الشباب دلوقتى بسبب كثرة الفتن ازاى فى مشكلة فى غض البصر و بلاش بعض البنات يقولوا ايوه بس انا بكون نازلة محتشمة و مش لازم كل مرة أكون عاملة شعرى فمش هبقى حاجة تتبص عليها اوى .. اى جزء من جسد المراة ربنا امرها بتغطيته يبقى هذا الجزء فتنة للناس و فتنة للشباب بل ساعات ان البنت اللى مش محجبة فتنة لاختها اللى اتحجبت و فتنة لاختها اللى لسه لم تتحجب...

كمان اللى اتحجبت بتقول ياة دى شكلها حلو واضح ان انا خدت الخطوة دى بدرى شوية او انا لابسة لبس كدة مضيع شبابى و مضيع جمالى و البنت اللى لم تتحجب لما تشوف حد زيها تتونس بيها...

لما تكون فى بنت مش محجبة فى و سط شلة كلها محجبة وبيكون أسهل لها أنها تتحجب و اما تكون بنت محجبة فى وسط شلة مش محجبة بيبقى سهل أنها تخلع الحجاب ..

طبعا الكلام ده مش لازم يبقى صح اوى لان فى ناس ثابتة فى وسط اجواء الفتن لكن فى الاخر الانسان بيتونس باللى حواليه فكل ما كان فى بنات مش محجبات فكل ما بيتأثروا ببعض و العكس و كل ماكانت فى محجابات فكل ما بيتأثروا ببعض...

فيا أيتها المسلمة أختنا و أمنا و بنتنا...

أرجوكى خدى خطوة الحجاب...

أرجوكى لاتفسدى صيامك و رمضانك...

و تُضيعي حجابك بكثرة النظرات اليكي ...و الرجال يتكلموا عليكى و يفكروا فيكى و حضرتك عارفة اد ايه ممكن منظر يشغل بال و قلب ولد بواحدة...

الكلام التانى المهم جدا لاخواتنا و نسائنا المحجبات ..

الحجاب ضيق شوية و كأن فى اجزاء كتير من لبس المحجبات تشبه لبس غير محجبات بس الشعر متغطى او الجلد متغطى بس متغطى بحاجة واصفة الجسم و الجلد...

رمضان جاى حضرتك أخذتي خطوة الحجاب مبروك عليكى و على المسلمين و علينا كلنا اى حد يقرب من ربنا ..

و لكن بلاش نقرب من ربنا بمزاجنا أحط رضايا فى كفة و رضا ربنا فى كفة ...

ربنا قال اتحجبوا و انا عاوزة يبقى شكلى حلو .. خلاص نقسم البلد نصين...

ألبس لربنا الحجاب بس على مزاجى انا فهو يرضى شوية و انا أرضى شوية "فلا تجعلوا لله أندادا و أنتم تعلمون "..

أوعى حد يجعل نفسه أو أى حاجة ند لله فنرضى ربنا شوية و الحاجة التانية دى شوية...و تبقى كارثة لو اخترت رضا نفسى فى مقابل ربى سبحانه و تعالى...

فلا تفسدى رمضانك بتضييق حجابك .. و اللبس اللى ممكن يكون بيفتن بنات و شباب كتير...

يارب خد بايدينا و اهدينا و استرها معانا يارب بالذات فى الكليات والشوارع و كل حتة ..

فلا تفسدى رمضانك بتضيع حجابك...

و أملى ان الشباب يغضوا بصرهم عشان ربنا يقبل صيامنا و صيامنا يؤثر فينا ومش ندخل رمضان نطلع منه زى ما دخلناه قبل كده...

ربنا يأخذ بأيدينا ان شاء الله و صلى اللهم و سلم و بارك على الحبيب و الحمدلله رب العالمين...